ການແຂ່ງຂັນກີລາເຕະບານລຸ້ນຊາວຫນຸ່ມ-ອາວຸໂສຊີງຂັນທ່ານລັດຖະມົນຕີວ່າການກະຊວງການເງິນຄັ້ງທີ1 ປະຈຳປີ2012 ເພື່ອເປັນການສ້າງຂະບວນການຂ່ຳນັບຮັບ ຕ້ອນວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 57 ປີ, ເຊິ່ງປະກອບໄປດ້ວຍ 12 ທີມເຂົ້າຮ່ວມ.
ການແຂ່ງຂັນມີທັງຫມົດ 12 ທີມ, ໃນນັ້ນມີລຸ້ນອາວຸໂສ6 ທີມແຕ່ລະທີມແບ່ງອອກເປັນສອງກຸ່ມຂະນະທີ່ແຕ່ລະກຸ່ມນັ້ນແຂ່ງຂັນກັນຄົບຫມົດແລ້ວຈະຄັດເອົາແຕ່ທີ1 ແລະ 2 ຜ່ານເຂົ້າຮອບ ຊີງຂັນສ່ວນການແຂ່ງຂັນຈະດຳເນີນໄປຈົນຮອດວັນທີ6 ເມສາ2012 ຈິ່ງຈະສຳເລັດເຊິ່ງຈະເລີ່ມແຂ່ງຂັນນັບແຕ່ເວລາ14:00 ໂມງເປັນຕົ້ນໄປ; ທີມນັກກີລາເຂົ້າຮ່ວມແຂ່ງຂັນທັງຫມົດໄດ້ແກ່: ທີມຫ້ອງວ່າການສູນກາງພັກ, ທະນາຄານແຫ່ງສປປລາວ, ກະຊວງອຸດສະຫາກຳແລະການຄ້າ, ພະແນກການເງິນນະຄອນຫລວງ, ສາງສິນຄ້າຜ່ານດ່ານທ່ານາແລ້ງ, ຫວຍພັດທະນາ, ບໍລິ ສັດປະກັນໄພແລະກະຊວງການເງິນເຈົ້າພາບ.
ທີມຊະນະເລີດຈະໄດ້ຮັບເງິນລາງວັນ3 ລ້ານກີບພ້ອມຂັນແຊ໋ມ, ຮອງຊະນະເລີດຈະໄດ້ຮັບຂັນພ້ອມເງິນສົດ 2 ລ້ານກີບ, ອັນດັບ 3 ຈະໄດ້ຮັບຂັນແລະເງິນສົດ 1 ລ້ານກີບສ່ວນທີ 4 ຈະໄດ້ລາງວັນຊົມເຊີຍເປັນເງິນສົດ 5 ແສນກີບ.
ພິທີເປີດການແຂ່ງຂັນດັ່ງກ່າວຈັດຂຶ້ນທີ່ສະຫນາມກີລາເຈົ້າອານຸວົງນະຄອນຫລວງວຽງຈັນໃນວັນທີ 2 ເມສາ2 012 ຜ່ານມາໂດຍການເປັນກຽດເຂົ້າຮ່ວມຂອງທ່ານ ພູເພັດຄຳ ພູນວົງ ລັດຖະມົນຕີວ່າການກະຊວງການເງິນ, ທ່ານນາງວຽງທອງສີພັນດອນລັດຖະມົນຕີຊ່ວຍວ່າການກະຊວງການເງິນ ພ້ອມດ້ວຍຫົວຫນ້າກົມ, ຮອງກົມ, ພະນັກງານວິຊາການ ແລະ ທັບ ນັກກີລາເຂົ້າຮ່ວມ.
socio-Economic website
vs 
(2:3)
(2:2)
vs 
vs 
( 1:3)
0 comments:
Post a Comment