ເກີດຫຍັງຂື້ນກັບບານເຕະລາວ?

ໃນສອງນັດທີ່ຜ່ານມາຂອງການແຂ່ງຂັນບານເຕະຊີເກມສ ຄັ້ງທີ26 ,ທີມຊາດລາວເຊີ່ງຜູ້ຫລີ້ນມີອາຍຸສ່ວນຫລາຍແມ່ນຕ່ຳກ່ວາຊາວສາມ
ນັ້ນເຫັນວ່າມີຜົນງານທີ່ບໍ່ໄດ້ເລຶ້ອງສຳລັບກອງເຊຍ,ເຊິ່ງອົດໃຈລຸ້ນແລະຕັ້ງໃຈ
ເຊີຍທີມຊາດລາວຕະຫລອດ.ກອງເຊຍລາວຄາດວ່າຜົນງານຂອງທີມຊາດລາວ
ອາດຈະສຳເລັດຜົນ
ຄືກັນກັບຜົນງານໃນຊີເກມສຄັ້ງທີເເລ້ວທີ່ວຽງຈັນເຊິ່ງຜ່ານເຂົ້າໄປໃນຮອບສີ່ທີມສຸດທ້າຍ,
ເຊິ່ງເປັນຄັ້ງທຳອິດທີ່ທີມຊາດລາວຍາດມາໄດ້ອັນດັບສີ່

   ຂ້າພະເຈົ້າເຫັນວ່າ;ການພັດທະນາຂອງບານເຕາະໃນລາວມີຄວາມກ້າວຫນ້າຢ່າງບໍຢຸດຢັ້ງ
;ບໍວ່າໃນຮູບເກມການຫລີ້ນ,ທັກສະຂອງນັກກິລາແລະພາລະກຳລັງຂອງນັກເຕະເຫັນວ່າດີຂື້ນ
ຖ້າທຽບໃສ່ກັບນັກເຕາະໃນອາດີດແລະທີມລາວກໍ່ໄດ້ເລີ້ມຈ້າງຄູເຝິກຈາກຕ່າງປະເທດ
ເຊີ່ງບໍ່ເຄີຍມີມາກອ່ນ,ນັ້ນກໍ່ສະແດງໃຫ້ເຫັນການເອົາໃຈໃສ່ແລະເຫັນຄວາມສຳຄັນ
ຂອງກິລາປະເພດນີ້ຂອງສະຫະພັນບານເຕະແຫ່ງຊາດ.

ຖ້າບານເຕະລາວໄດ້ຮັບການສະໜັບສະໜູນຫລາຍກວ່າເກົ່າຈາກພາກສ່ວນລັດແລະວິສາຫະກິດແລ້ວ
,ບານເຕະລາວຈະກ້າວໜ້າໄວຍິ່ງຂື້ນຢ່າງແນ່ນນອນເພາະລາວມີເຍົາວະຊົນທີ່ມີ
ພອນສະຫວັນແລະຮັກບານເຕະແຕ່ເຍົາໄວເຊິ່ງຂາດແຕ່ງພຽງການສະຫນັບສະໜູນຢ່າງເຕັມທີ່ເທົ່ານັ້ນ.

ທຸກໆຊາດໃນພາກພື້ນກໍມີການພັດທະນາຄຽງຄູ່ກັນໄປຄືກັນ,
ຈະເຫັນວ່າທີມອອ່ນຢ່າງຕີມໍ ເລດສເຕ,ບຣູໄນ ແລະຟິລິປິນກໍ່ມີການພັດທະນາຫລາຍ
ໃນຊວ່ງສອງສາມປີທີ່ຜ່ານມາ ,ເຊີ່ງຈະເຮັດໃຫ້ການເເຂ່ງຂັນກັນໃນພາກພື້ນນີ້
ມີຄວາມຟົດເດືອດຂື້ນກວ່າເກົ່າ.

ລາວຈະຕົກເປັນລຳດັບສຸດທ້າຍໃນອາຊີຕາເວັນອອກຊ່ຽງໄຕ້ບໍ? ນີ້ແມ່ນຈະຂື້ນຢູ່ກັບການຊຸກຍູ້ແລະການສະໜັບສະໜູນຂອງພາກສ່ວນທີ່ກຽ່ວຂອ້ງ
,ວິສາຫະກິດ,ນັກທຸລະກິດແລະປັດໃຈອຶ່ນໆ.

ໂດຍ:ກອງເຊຍລາວ