ທິມຊາດລາວອາຍຸບໍ່ເກີນ23 ນັດທຳອິດໃນມື້ນີ້
ນາທີທຳອິດກໍໂຊສິລະປະມວຍລາຍລາວຂອງສາຍຊົນເຕະເຂົ້າທອ້ງຂອງຜູ້ຫລິ້ນສິງກະໂປ ກຳມະການຊາວຈິນບໍ່ໄດ້ຫລາຍລາຍດຶງໃບແດງອອກມາສົ່ງສາຍຊົນອອກ ໂດຍສາຍຊົນຍັງບໍ່ໄດ້ສຳພັດໝາກບານຊ້ຳ. ຜູ່ຫລິ້ນລາວຮູບຮ່າງເສຍປຽບ ຮູບເກມເສຍປຽບ ຜູ່ຫລິ້ນໜອ້ຍກວ່າ ຄະແນນຕາມຫລັງຢູ່ໜຶ່ງລູກ.
ເຄິ່ງເວລາທີ່ສອງ ຕອ້ງມາເບິ່ງຄູເຝິກຊາວຢີ່ປຸ່ນຈະໃຊ້ຍຸດທະວີທີແນວໃດຈຶ່ງຈະຮັກສາແຕ້ມບໍ່ໃຫ້ເສຍຫລາຍ ຫລືມີແຜນແນວໃດຈຶ່ງຈະສາມາດຍິງສະເໝີ ຫລືຖ້າໂຊກເຂົ້າຂ້າງກໍ່ຊະນະໄປເລີຍ.
ການປຽ່ນຕົວແລະປຽ່ນແຜນຂອງຄູເຝິກຊາວຢີ່ປຸ່ນສາມາດເວົ້າໄດ້ວ່າໄດ້ຮັບປະສິດທິພາບໂດຍລາວບໍ່ໄດ້ເສຍປະຕູ
ເພິ້ມເຖິງວ່າຮູບເກມແລະການຄອງບານເສຍປຽບຫລາຍ ລາວເສຍບານຢ່າງໄວວາໃນເຄິ່ງເດີນແລະການໂຍນຍາວຫລືຕໍ່ບານສັ້ນກໍຖືກຕັດໄປ.
ພະລະກຳລັງຂອງຜູ້ຫລີ້ນຂອງທີມລາວເລິ້ມອອ່ນເພຍ ຂາຮູ້ສືກໜັກແລະແລ່ນບໍ່ໄຫວ ເມື່ອຈັບບານໄດ້ຜູ້ຕໍ່ສູ້ຊູນໜອ້ຍນຶ່ງພັດຫລົ້ມ.ນີ້ມັນສະແດງເຖິງພະລະກຳລັງຂອງນັກກິລາລາວທີ່ແຕກຕ່າງ
ກັບນັກກິລາຊາດອື່ນແລະກໍໄດ້ກາຍເປັນປະເພນີໄປແລ້ວ.
ກອ່ນຈົບເກມບໍຮອດສິບນາທີ ປະມານນາທິ 86 ລົງໂທດfreekickໄລ່ຍະໄກກໍສ້າງຝັນໃຫ້ທິມຊາດລາວຝັນຕໍ່ໄປເມືອຂວັນຕາໃຊ້ຫົວແຕັດບານຈາກການຜ່ານຈາກລູກໂທດນອກເຂດ.
ເວລາທີ່ເຫລືອລວມທັງການຕໍ່ເວລາຂອງກຳມະການໄດ້ສ້າງຄວາມທໍລະມານໃຫ້ຜູ່ຫລິ້ນລາວແລະກອງເຊຍ ເພາະທີມລາວໃນຂະນະນັ້ນມີໂອກາດເສຍປະຕູທຸກເວລາເພາະທຸກຄົນຮູ້ສືກເມື່ອຍເພຍຫລາຍຈົນຜູ່ຮັກສາປະຕູ
ຂອງລາວສາທິດຕອ້ງຂໍເວລາພັກເມື່ອຍດ້ວຍການນອນລົງເຊິ່ງສາມາດຫັກເວລາໄປປະມານເກືອບນາທີແລະກໍເປັນໄປຕາມແຜນຂອງລາວ
ຍາດມາໄດ້ໜື່ງຄະແນນນັ້ນໄດ້ເປີດທາງໃຫ້ທິມລາວມີກຳລັງໃຈຫລາຍຂື້ນໃນນັດຕໍ່ໄປ.
ໂດຍ Laofootball blog
vs 
(2:3)
(2:2)
vs 
vs 
( 1:3)
