Capital Vientiane beat Host Luangprabang to Win the gold medal at Men's Football Final in 9th National Games 2011 ,Luangprabang, Vientiane beat 4:3 in penalty shoot out after both team didn't score on full time Game.
ນັກກີລາບານເຕະຊາຍນະຄອນຫຼວງວຽງຈັນ ຍັງແມ້ນກວ່າ ດວນຈຸດໂທດ ເອົາຊະນະເຈົ້າພາບ (ຫຼວງພະບາງ) 4Œຕໍ່3 ຍາດຫຼຍນຄຳໄປຄອງ ໃນການແຂ່ງຂັນເຕະບານ ກີລາແຫ່ງຊາດ ຄັ້ງທີ IX ຫຼື ໄກ່ຜູ້ໂອກເກມ.
ການແຂ່ງຂັນກີລາບານເຕະໃນຄືນວັນທີ 20 ທັນວາ 2011 ຜ່ານມາ ນະຄອນຫຼວງວຽງຈັນ ລົງສະໜາມຊິງຊະນະເລີດກັບເຈົ້າພາບ ຊຶ່ງການແຂ່ງຂັນໄດ້ດຳເນີນໄປຢ່າງດຸເດືອດ ທັງສອງຝ່າຍໄດ້ສຸມໃສ່ບຸກເພື່ອຍິງປະຕູໃຫ້ກັບທີມໃຜລາວ ແຕ່ບໍ່ສ້າງມາດທັບໄຂ່ແຕກໄດ້ ຈົນມາເຖິງທ້າຍເຄິ່ງເວລາສຸດທ້າຍ ເກມການແຂ່ງຂັນເກີດຊົນລະມຸນ ເມື່ອນັກກີລາຂອງເຈົ້າພາບ ແລະ ກຳມະການກາງ ເກີດຄວາມບໍ່ເຂົ້າໃຈກັນ ຈົນມີປາກມີສຽງ ເຮັດໃຫ້ນັກກີລາເຈົ້າພາບໄລ່ທຳຮ້າຍກຳມະການ ເຮັດໃຫ້ເຈົ້າໜ້າທີ່ຕຳຫຼວດ ຕ້ອງໄດ້ເຂົ້າມາຄວບຄຸມສະຖານະການ ຈົນໄດ້ຢຸດການແຂ່ງຂັນຫຼາຍ 10 ນາທີ ເຮັດໃຫ້ ຄຳປະສົງ ຊາພັກດີ ຕ້ອງຖືກໃບແດງ ອອກຈາກການແຂ່ງຂັນ ຈົນຄະນະຮັບຜິດຊອບການແຂ່ງຂັນ ໄດ້ຕໍ່ເວລາພິເສດ ທີມເຈົ້າພາບພາດອີກຄັ້ງ ໂດຍການເຂົ້າປະທະຂອງ ໄຊຍະເວດ ພູນສະຫວັດ ຕ້ອງຖືກໃບເຫຼືອງໃບທີ 2 ຈຳເປັນຕ້ອງໄດ້ອອກຈາກການແຂ່ງຂັນໄປ ຊຶ່ງໝົດ 30 ນາທີ ທັງສອງຝ່າຍບໍ່ສາມາດຍິງປະຕູໄດ້ ຈົນມາຕັດສິນກັນດ້ວຍການເຕະຈຸດໂທດ ແລະ ກໍກາຍເປັນທີມນະຄອນຫຼວງວຽງຈັນ ຊະນະ 4Œ3 ປະຕູ ໄດ້ຫຼຽນຄຳໄປຄອງ ສ່ວນຫຼຽນເງິນເປັນຂອງເຈົ້າພາບຫຼວງພະບາງ ແລະ ຫຼຽນທອງເປັນຂອງກະຊວງປ້ອງກັນຄວາມສະຫງົບ.
ການແຂ່ງຂັນນັດຊິງຊະນະເລີດຄັ້ງນີ້ ອາດຈະເປັນບົດຮຽນອັນໃຫຍ່ຫຼວງ ໃຫ້ກັບບັນດາແຂວງ ກໍຄື ຄະນະຮັບຜິດຊອບຈັດງານ ຕ້ອງເອົາໃຈໃສ່ຢ່າງເຂັ້ມງວດ ລວມໄປເຖິງສະຫະພັນກີລາແຕ່ລະປະເພດ ຕ້ອງໄດ້ເອົາໃຈໃສ່ໃນການສຶກສາອົບຮົມບັນດານັກກີລາ ໃຫ້ເຂົ້າໃຈວ່າເກມກີລາ ແມ່ນມີໄດ້ມີເສຍ ແຕ່ນັກກີລາຕ້ອງມີສາມັນສຳນຶກ ເພື່ອຄວບຄຸມອາລົມໃຫ້ໄດ້ ເຫດການແນວນີ້ ບໍ່ຄວນເອົາເປັນແບບຢ່າງ ຊຶ່ງເປັນບັນຫາທີ່ພາກສ່ວນກ່ຽວຂ້ອງ ຕ້ອງອອກມາຊີ້ແຈງ.
Original article: vientianemai
No comments:
Post a Comment