sabaidee. Powered by Blogger.

Aug 27, 2013

ໂທລະພາບແຫ່ງຊາດລາວ ໄດ້ຮັບສິດຖ່າຍທອດແຂ່ງຂັນເຕະບານລະດັບໂລກ

ພິທີ​ລົງ​ນາມ​ສັນຍາ​ການ​ຮ່ວມ​ມື ຖ່າຍ​ທອດ​ສົດ​ການ​ແຂ່ງຂັນ​ເຕະບານ​ຢູ​ຟາ​ແຊັມ​ປຽນ​ລີກ (UEFA Champions Leagues) ແລະ ຢູ​ຟາ​ເອີ​ຣົບ​ປາ​ລີກ (UEFA Europa League) ປະຈຳ​ລະດູ​ການ​ປີ 2013-2014 ຜ່ານ​ສະຖານີ​ໂທລະພາບ​ແຫ່ງ​ຊາດ​ລາວ ແບບ​ບໍ່​ເສຍ​ຄ່າ​ລິ​ຂະ​ສິດ ໄດ້​ມີ​ຂຶ້ນ​ໃນ​ວັນ​ທີ 26 ສິງຫາ 2013 ນີ້ ລະຫວ່າງ​ທ່ານ ​ດຣ. ບຸນ​ຈອມ ວົງ​ເພັດ ຜູ້ອຳນວຍການ​ສະຖານີ​ໂທລະພາບ​ແຫ່ງ​ຊາດ​ລາວ ແລະ ທ່ານ ອັດຖະ​ພົນ ນະ​ບາງ​ຊ້າງ ຮອງ​ປະທານ​ເຈົ້າ​ໜ້າທີ່​ສາຍ​ລາຍການ​ບໍລິສັດ ທຣູ​ວິ​ເຊີນ​ແຫ່ງ​ປະເທດ​ໄທ ໂດຍ​ການ​ໃຫ້​ກຽດ​ເຂົ້າ​ຮ່ວມ​ເປັນ​ສັກຂີ​ພິຍານ​ຂອງ​ທ່ານ ສະຫວັນ​ຄອນ ຣາ​ຊະ​ມຸນ​ຕຣີ ລັດຖະມົນຕີ​ຊ່ວຍ​ວ່າການ ກະຊວງ​ຖະແຫຼງ​ຂ່າວ​ວັດທະນະທຳ ແລະ ທ່ອງ​ທ່ຽວ.
ການ​ຖ່າຍ​ທອດ​ດັ່ງກ່າວ ຈະ​ເລີ່ມ​ຄັ້ງ​ທຳ​ອິດ​ໃນ​ວັນ​ທີ 31 ສິງຫາ 2013 ເວລາ 01:00 ໂມງ ໂດຍ​ການ​ສົ່ງ​ສັນຍານ​ພາກ​ພື້ນ​ດິນ​ຂອງ​ບໍລິສັດ ອີ​ທີ​ແອວ​ມະຫາຊົນ (ETL) ຊຶ່ງ​ນອກຈາກ​ການ​ຖ່າຍ​ທອດ​ສົດ​ການ​ແຂ່ງຂັນ​ເຕະບານ​ແລ້ວ ຍັງ​ຈະ​ມີ​ການ​ອອກ​ອາກາດ ເທບ​ບັນທຶກ​ພາບ​ການ​ແຂ່ງຂັນ ສະຫຼຸບ​ການ​ແຂ່ງຂັນ​ປະຈຳ​ອາທິດ ພ້ອມ​ນີ້​ຍັງ​ມີ​ລາຍການ​ນາໆ​ສາລະ ກີລາ ບັນເທີງ​ຕ່າງປະເທດ ແລະ ຮູບເງົາ​ຕ່າງປະເທດ ພາຍ​ໃຕ້​ລິ​ຂະ​ສິດ​ຂອງ​ບໍລິສັດ ທຣູ​ວິ​ເຊີນ ແລະ ຍັງ​ມີ​ລາຍການ​ທີ່​ຜະລິດ​ໃໝ່ ໂດຍ​ບໍລິສັດ ທິບ​ໂປລ​ເອັສລາວ ຈຳກັດ (Triple-S) ເຊັ່ນ: ລາຍການ​ຈໍ​ແດນ​ຈຳປາ ກະເສດ​ໂລກ ສົ່ງເສີມ​ກະເສດ​ລາວ​ແລະ ອື່ນໆ.
ການ​ຮ່ວມ​ມື​ຂອງ​ທັງ​ສອງ​ພາກສ່ວນ​ນີ້ ແມ່ນ​ໄດ້​ຮັບ​ການ​ສະໜັບສະໜູນ​ໂດຍ​ສະມາຄົມ​ລາວ-ໄທ ໄທ-ລາວ ເພື່ອ​ມິດຕະພາບ ຊຶ່ງ​ນີ້​ແມ່ນ​ອີກ​ໜຶ່ງ​ຄວາມ​ສຳເລັດ ໃນ​ການ​ສົ່ງເສີມ​ສາຍສຳພັນ ແລະ ການ​ຮ່ວມ​ມື​ອັນ​ດີ ໃນ​ຂະແໜງການ​ສື່​ມວນ​ຊົນ​ຂອງ​ທັງ​ສອງ​ປະເທດ ໃຫ້​ນັບ​ມື້​ຂະຫຍາຍຕົວ​ເທົ່າ​ທຽມ​ກັບ​ບັນດາ​ປະເທດ​ໃນ​ພາກ​ພື້ນ ແລະ ສາກົນ.

0 comments:

Laos National Team 2023

Laos National Team 2023
2023

Laos U19

Laos U19
2015

Laos vs Myanmar suzuki cup2012

Laos Premier League 2013>>Table

RED CARD

RED CARD
SOPHA WAS GIVEN A RED CARD, INDONESIA VS LAOS

Suzuki cup 2012

Suzuki cup 2012
Laos National Team 2012

Laos U16 (Red), vs Yemen

Laos U16 (Red), vs Yemen
Laos vs Yemen, AFC U16

AFF women's football championship 2012,

AFF women's football championship 2012,
Laos vs Thailand

Blogs+Previous articles

document translation

Hot topic