sabaidee. Powered by Blogger.

Apr 24, 2012

ການ​ແຂ່ງ­ຂັນ​ເຕະ­ບານ​ລຸ້ນ​ຊາວ​ໜຸ່ມŒອາ­ວຸ­ໂສ ຊີງ​ຂັນ​ທ່ານ​ເຈົ້າ­ເມືອງ​ຈັນ­ທະ​ບູ​ລີ ປະ­ຈຳ​ປີ 2012


ກຽມຈັດເຕະບານຊີງຂັນເຈົ້າເມືອງຈັນທະບູລີ ທ້າຍອາທິດນີ້

ການ​ແຂ່ງ­ຂັນ​ເຕະ­ບານ​ລຸ້ນ​ຊາວ​ໜຸ່ມŒອາ­ວຸ­ໂສ ຊີງ​ຂັນ​ທ່ານ​ເຈົ້າ­ເມືອງ​ຈັນ­ທະ​ບູ​ລີ ປະ­ຈຳ​ປີ 2012 ກຽມ​ເປີດ​ສາກ​ຂຶ້ນ​ຢ່າງ​ເປັນ​ທາງ​ການ ໃນ​ວັນ​ທີ 27 ເມ­ສາ 2012 ນີ້ ທີ່​ເດີ່ນ​ເຕະ­ບານ ມ.ສ ຮ່ອງ​ຄ້າ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ ເພື່ອ​ເປັນ​ການ​ສ້າງ​ຂະ​ບວນ​ການ​ຕ້ານ ແລະ ສະ­ກັດ​ກັ້ນ​ປະ­ກົດ​ການ​ຫຍໍ້­ທໍ້​ຂອງ​ເມືອງ.
ທ່ານ ຈັນ­ທະ​ຄານ ລັດ­ຕະ­ນາ ຫົວ­ໜ້າ​ຫ້ອງ­ການ​ກີ­ລາ​ເມືອງ​ຈັນ­ທະ​ບູ​ລີ ໃຫ້​ສຳ­ພາດ​ກັບ​ທີມ​ຂ່າວ​ພວກ​ເຮົາ ວັນ​ທີ 20 ເມ­ສາ 2012 ຜ່ານ​ມາ​ວ່າ: ການ​ແຂ່ງ­ຂັນ​ເຕະ­ບານ​ຊີງ​ຂັນ​ເຈົ້າ­ເມືອງ​ປີ​ນີ້ ຈະ​ມີ​ທີມ​ຊາວ​ໜຸ່ມ 10 ທີມ ແລະ ທີມ​ອາ­ວຸ­ໂສ​ຈຳ­ນວນ 10 ທີມ​ເຂົ້າ​ຮ່ວມ ເຊິ່ງ​ແມ່ນ​ນັກ­ກີ­ລາ​ມາ​ຈາກ​ພາຍ​ໃນ​ເມືອງ ເຊັ່ນ: ບ້ານ ກຸ່ມ​ບ້ານ ບໍ­ລິ­ສັດ ຫ້າງ​ຮ້ານ ແລະ ອື່ນໆ ເຊິ່ງ​ຈຸດ­ປະ­ສົງ​ຫຼັກ​ໃນ​ການ​ຈັດ​ກິດ­ຈະ­ກຳ​ກີ­ລາ​ຄັ້ງ​ນີ້ ກໍ​ເພື່ອ​ເປັນ​ການ​ສ້າງ​ຂະ​ບວນ​ການ ຫັນ​ເອົາ​ພະ­ນັກ­ງານ​ລົງ​ກໍ່­ສ້າງ​ຮາກ​ຖານ ອີກ​ທັງ​ເປັນ​ການ​ສ້າງ​ຂະ​ບວນ​ການ​ເພື່ອ​ຕ້ານ ແລະ ສະ­ກັດ​ກັ້ນ​ປະ­ກົດ​ການ​ຫຍໍ້­ທໍ້​ໃນ​ສັງ­ຄົມ ກໍ​ຄື​ໃນ​ທົ່ວ​ເມືອງ​ຈັນ­ທະ​ບູ​ລີ.
ສຳ­ລັບ​ການ​ແຂ່ງ­ຂັນ​ຄັ້ງ​ນີ້ ທາງ​ຄະ­ນະ​ຮັບ­ຜິດ­ຊອບ​ຈັດ­ການ​ແຂ່ງ­ຂັນ ໄດ້​ກຳ­ນົດ​ແຂ່ງ​ສະ­ເພາະ​ວັນ​ເສົາŒອາ­ທິດ (ຕອນ​ເຊົ້າŒແລງ) ເຊິ່ງ​ຈະ​ດຳ­ເນີນ​ໄປ​ຈົນ​ເຖິງ​ຕົ້ນ​ເດືອນ​ກໍ­ລະ­ກົດ​ຈຶ່ງ​ຈະ​ສຳ­ເລັດ ສ່ວນ​ທີມ​ທີ່​ເຂົ້າ​ຮ່ວມ​ສຳ­ລັບ​ຊາວ​ໜຸ່ມ​ມີ 10 ທີມ ປະ­ກອບ​ມີ: ກຸ່ມ 2 ທົ່ງ​ຕູມ ສຶກ​ສາ​ເມືອງ ປ.ກ.ສ ເມືອງ ກຸ່ມ 2 ຮ່ອງ​ຄ້າ ກຸ່ມ 3 ສີ​ສະ­ຫວາດ ກຸ່ມ 4 ໂພນ​ຕ້ອງ ກຸ່ມ 5 ໜອງ​ທາ ກຸ່ມ 1 ວັດ​ຈັນ ຮ້ານ​ໂຕະ​ໂກ​ເຄື່ອງ​ເຢັນ ແລະ ທີມ​ຍອດ​ດອຍ ສ່ວນ​ລຸ້ນ​ອາ­ວຸ­ໂສ​ມີ 10 ທີມ ປະ­ກອບ​ມີ: ປ.ກ.ສ ເມືອງ ກຸ່ມ 1 ວັດ​ຈັນ ການ​ເງິນ​ເມືອງ ກຸ່ມ 4 ໂພນ​ຕ້ອງ ກຸ່ມ 2 ບ້ານ​ທົ່ງ​ຂັນ​ຄຳ ສຶກ​ສາ​ເມືອງ ກຸ່ມ 5 ໜອງ​ທາ ຫ້ອງ​ວ່າ​ການ­ເມືອງ ນັກ​ສຶກ​ສາ​ກົດ­ໝາຍ​ເມືອງ ແລະ ຮ້ານ​ດີ​ຊາຍ​ປະ­ດັບ​ຍົນ

source:vientianemai

0 comments:

Laos U19

Laos U19
2015

Clip football

James Rodriguez Bicycle Kick Goal

Laos vs Myanmar suzuki cup2012

Seagames' Football

Loading...

Laos Premier League 2013>>Table

RED CARD

RED CARD
SOPHA WAS GIVEN A RED CARD, INDONESIA VS LAOS

Suzuki cup 2012

Suzuki cup 2012
Laos National Team 2012

Laos U16 (Red), vs Yemen

Laos U16 (Red), vs Yemen
Laos vs Yemen, AFC U16

AFF women's football championship 2012,

AFF women's football championship 2012,
Laos vs Thailand

Blogs+Previous articles

Hot topic